ब्रेकिंग न्यूज
मान्सून महाराष्ट्राच्या अधिक भागात सरकला; पुणे सुरू होण्याची तारीख अद्याप अनिश्चित आहेचंद्रकांत पाटील यांनी एसपीपीयूवरील टिप्पणी स्पष्ट केली, म्हणतात की हा कॉल मोठ्या सामाजिक प्रभावासाठी होतानगररोड भागात पिवळसर आणि दुर्गंधीयुक्त पाणीपुरवठ्याविरोधात पीएमसी मुख्यालयात निदर्शनेपुढील आठवड्यापासून पाणीकपातीची तयारी, पीएमसी 2 दिवसांत सविस्तर आराखडा तयार करणार आहेमान्सूनच्या आपत्कालीन प्रतिसादासाठी पाच महिन्यांसाठी 50 स्वयंसेवक तैनात करण्यासाठी PCMC 56 लाख रुपये खर्च करण्याची योजना आखत आहेवाहतूक कोंडी कमी करण्यासाठी आळंदी नगरपरिषदेने पुणे-आळंदी रस्त्यावरील अतिक्रमण हटवलेघरगुती एलपीजीच्या किमती पुन्हा वाढल्याने रहिवाशांना बजेटचा सामना करावा लागत आहेपाटबंधारे विभागाचे मुख्यालय पुण्याबाहेर हलवण्याच्या योजनेचा आढावा घेण्याची सरकारला आम आदमी पार्टीची विनंतीइंद्रायणी पूररेषेच्या आत पुण्यातील मोई फाटा येथे एनजीटी पॅनेलने 20 बंगल्यांना झेंडा दाखवला; पाडण्याची शक्यतापाईप गॅस घोटाळ्यात बिल्डरची २.५५ लाखांची ऑनलाइन फसवणूक
देहूरोडच्या प्रलंबित प्रश्नांबाबत लष्करी मुख्यालयात आढावा बैठक : महामार्गावरील रखडलेले भुयारी मार्गाचे काम सुरु करण्यासह पालखी मार्ग दुरुस्तीस मान्यता
देहूरोड: येथील स्थानिक लष्करी मुख्यालयात देहूरोड परिसरातील विविध प्रलंबित प्रश्नांबाबत खासदार श्रीरंग बारणे यांनी आढावा बैठक घेतली .
आढावा बैठकीत देहूरोड-निगडी महामार्गावरील केंद्रीय विद्यालय क्रमांक १ आणि ऑर्डनन्स फॅक्टरी मुख्य प्रवेशद्वार येथील सेवा रस्त्याअभावी रखडलेल्या भुयारी मार्गाच्या कामाबाबत चर्चा झाली . या कामाला लष्करी अधिकाऱ्यांनी मान्यता दिली . भुयारी मार्गाचे उर्वरित काम रस्ते विकास महामंडळाकडून होणार आहे . तसेच देहूरोड हद्दीतील पालखी मार्गासह संरक्षक बाजूपट्ट्या आदि दुरुस्ती कामे तसेच काळोखे मळ्याकडे जाणाऱ्या रस्त्याच्या कामाबाबत बैठकीत सविस्तर चर्चा करण्यात आली. पालखी मार्गाचे काम सार्वजनिक बांधकाम
विभागाकडून लवकरच होणार आहे . नागरिकांच्या दृष्टीने महत्त्वाच्या असलेल्या विविध प्रलंबित कामांना गती देण्यासाठी संबंधित विभागांमध्ये समन्वय साधत आवश्यक निर्णय घेण्यात आले असल्याचे मावळचे खासदार श्रीरंग बारणे यांनी सांगितले .
बैठकीस देहूरोड कॅन्टोन्मेंट बोर्ड अध्यक्ष ब्रिगेडियर आशिष कटोच, लेफ्टनंट कर्नल अमित श्रीवास्तव, कॅन्टोन्मेंट बोर्डाचे मुख्याधिकारी हेमंत यादव, कॅन्टोन्मेंट बोर्ड सदस्य ॲड. कैलास पानसरे, कार्यालय अधिक्षक अजय चौधरी , रस्ते विकास महामंडळाचे उपअभियंता विकास पिंपळकर, शिवसेना देहूगाव शहरप्रमुख सुनील हगवणे, युवासेना मावळ लोकसभा अध्यक्ष राजेंद्र तरस, ऑर्डनन्स फॅक्टरी देहूरोड एम्प्लॉईज युनियन अध्यक्ष मोहन घुले यांच्यासह संबंधित अधिकारी व नागरिक उपस्थित होते.
देहूरोड लष्करी भागातील संत तुकाराम महाराज पालखी मार्गावरील खड्डयांची दुरुस्तीसह संरक्षक बाजूपट्ट्या मजबुतीकरण करणे , अनधिकृत गतिरोधक काढणे , चिंचोली गावाजवळ रस्त्यालगत खोदलेले चर बुजविणे , पालखी विसावा स्थळ येथील विविध समस्यांबाबत स्थानिक ग्रामस्थांनी खासदार श्रीरंग बारणे यांना सुनिल हगवणे , तुकाराम जाधव , देवराम भेगडे , बाळासाहेब जाधव , नंदकुमार काळोखे , बबन पिंजण , प्रथमेश जाधव आदि ग्रामस्थांनी निवेदन देत संबंधितांना कामांबाबत सूचना देण्याची मागणी केली .
✍🏻संपादक – देवराम भेगडे
