अंगारकी चतुर्थी: चिंचवडला दर्शनासाठी भाविकांची गर्दी

        मंदिरासह परिसरात  आकर्षक पुष्पसजावट करण्यात आली आहे. विद्युत रोषणाईमुळे संपूर्ण मंदिर उजळून निघाले आहे . चिंचवड देवस्थान ट्रस्टच्या वतीने  अंगारकी चतुर्थीनिमित्त विविध धार्मिक कार्यक्रम सुरू होते . भाविक  मोठ्या संख्येने दर्शन व आरतीसाठी उपस्थित होते .

       मंगळवारी  पहाटेपासून भाविकांसाठी दर्शन खुले ठेवण्यात  आले आहे.  दर्शनासाठी  भाविकांच्या रांगा लागल्या असून मंदिर परिसरात भक्तिमय वातावरण अनुभवायला मिळत आहे. अंगारकी चतुर्थीनिमित्त भाविक गणरायाकडे सुख, समृद्धी, निरामय आरोग्यासाठी  प्रार्थना करत  आहेत.